अस्माकं राष्ट्रियः ध्वजः

राष्ट्रियः ध्वजः राष्ट्रस्य सङ्केतः। अस्माकं राष्ट्रियध्वजे त्रयः रङ्गाः सन्ति। इयं त्रिरङ्गी भारतवर्षस्य परिचयं धारयति। अयं ध्वजः अतीव मनोरमः। अस्य ध्वजस्य ऊर्ध्वदेशे कुङ्कुमः रङ्गः, मध्ये धवलः रङ्गः, अधोदेशे हरितः रङ्गः च विन्यस्ताः। धवलांशस्य मध्ये अशोकचक्रं वर्तते। अशोकचक्रे अराणां चतुर्विंशतिः अस्ति।

तत्र कुङ्कुमरागः वीरत्वस्य त्यागस्य च, धवलरागः पवित्रतायाः शान्तेः च, हरितरागः उन्नतेः समृद्धेः च, अशोकचक्रं सत्यस्य तथा प्रगतेः च प्रतीकम्। प्रमुखराष्ट्रियमहोत्सवयोः सर्वे स्वस्थाने राष्ट्रियध्वजम् उड्डयितुं शक्नुवन्ति। स्वाधीनता दिवसः, गणतन्त्रदिवसः, गान्धिजयन्ती च त्रयः प्रधानाः राष्ट्रोत्सवाः।

राष्ट्रपतिभवने, उपराष्ट्रपतिभवने, राज्यपालभवनेषु, मन्त्रालयेषु, सर्वोच्चन्यायालये, उच्चन्यायालयेषु, संसद्भवने, विधानसभाभवनेषु च प्रतिदिनं राष्ट्रध्वजस्य ससम्मानम् उड्डयनं भवति। एतदेव अवधारणीयं यत् राष्ट्रध्वजस्य उड्डयनकाले कुङ्कुमरागः सदा उपरि एव स्यात्। अयं ध्वजः देशस्य सार्वभौमतायाः प्रतीकम्। तस्य अधः दण्डायमानाः भूत्वा राष्ट्रियदिवसेषु राष्ट्रियसंगीतस्य गानं सर्वे कुर्युः।