ବ୍ୟାକରଣ ୬: ତଥ୍ୟଭିତ୍ତିକ ବିବରଣୀ

ଡାରଉଇନ୍‌ଙ୍କ ବିବର୍ତ୍ତନବାଦ ଅନୁସାରେ ଜେଲିରୁ ଜଳଚର, ଉଭୟଚର, ସ୍ଥଳଚର ଆଦି ଜୀବସୃଷ୍ଟି ପରେ ବାନରାକୃତି ମଣିଷର ଉଦ୍ଭବ ହେଲା। କ୍ରମବିକାଶ ହୋଇ ଆଦିମ ମଣିଷ ପରିବାର ଗଠନ କରି ସ୍ଥାୟୀ ବସତି ସ୍ଥାପନ କଲା ଓ କୃଷିକୁ ମୁଖ୍ୟ ବୃତ୍ତି କଲା। ବ୍ରାହ୍ମଣ, କ୍ଷତ୍ରିୟ, ବୈଶ୍ୟ — ସମସ୍ତେ କୃଷିକର୍ମ ସହ ଜଡ଼ିତ ଥିଲେ। ଜାତି-ଭେଦ ନ ଥାଇ ସମସ୍ତେ ମାଟି ମା'ର ସନ୍ତାନ। କୃଷିକର୍ମ ଏକ ସାର୍ବଜନୀନ ବୃତ୍ତି। ତେଣୁ ସମସ୍ତ ମଣିଷ ହେଉଛନ୍ତି ଭୂମିପୁତ୍ର।

ଫାଲ୍ଗୁନ ପୂର୍ଣ୍ଣିମା ତିଥିରେ ଓଡ଼ିଶାରେ ଗ୍ରାମେ ଗ୍ରାମେ ଦୋଳଯାତ୍ରା ପାଳିତ ହୁଏ। ଦ୍ୱାପର ଯୁଗର ରାଧାକୃଷ୍ଣଙ୍କ କାହାଣୀକୁ ଭିତ୍ତିକରି ଏହି ଯାତ୍ରାର ସୃଷ୍ଟି। ଏହା ଏକ ରଙ୍ଗର ପର୍ବ (ଫଗୁ/ଅବିର)। ରାଧାକୃଷ୍ଣଙ୍କୁ ବିମାନରେ ବସାଇ ଲୋକେ ଅବିର ଲଗାଇ ଦିଅନ୍ତି ଓ ଦୋଳମଣ୍ଡପକୁ ନେଇ ପଟୁଆର ଯାତ୍ରା କରନ୍ତି। ଢୋଲ, ମହୁରି, ମୃଦଙ୍ଗ ବାଦ୍ୟ ପରିବେଶକୁ ମୁଖରିତ କରେ। ଗୋପାଳ ଜାତିର ଏହା ମୁଖ୍ୟ ପର୍ବ। ବାସ୍ତବରେ ଦୋଳଯାତ୍ରା ଏକ ମହାନ ପରମ୍ପରା।

ଅରଣ୍ୟ ମଣିଷକୁ ଖାଦ୍ୟ, ବସ୍ତ୍ର ଓ ବାସଗୃହ ଯୋଗାଏ। ପ୍ରାଚୀନ ମଣିଷ ଅରଣ୍ୟରୁ ଫଳ, ମୂଳ, ମାଂସ ସଂଗ୍ରହ କରି ବଞ୍ଚୁଥିଲା। ଅରଣ୍ୟ ବର୍ଷା ଆଣେ, ମାଟି ସଂରକ୍ଷଣ କରେ, ଅମ୍ଳଜାନ ଦିଏ ଓ ପରିବେଶକୁ ସନ୍ତୁଳିତ ରଖେ। କାଠ, ବାଉଁଶ, ଲାଖ, ଝୁଣା, ଔଷଧୀୟ ମୂଳ ଆଦି ଅନେକ ଶିଳ୍ପର କଞ୍ଚାମାଲ ଯୋଗାଏ। ଏହା ପଶୁପକ୍ଷୀଙ୍କ ଆଶ୍ରୟସ୍ଥଳ। ତେଣୁ ଗଛ ନ କାଟି, ଅଧିକ ଗଛ ଲଗାଇ ଅରଣ୍ୟ ସଂରକ୍ଷଣ କରିବା ଆମ ପ୍ରଧାନ କର୍ତ୍ତବ୍ୟ।

ସୂଚନା: ବିଦ୍ୟାଳୟର ସ୍ଥାପନା, ପରିବେଶ, ଶିକ୍ଷକ-ଛାତ୍ର, ସୁବିଧା, ବିଶେଷ ଅର୍ଜନ ଆଦି ୧୦୦-୧୫୦ ଶବ୍ଦରେ ସରଳ ଭାଷାରେ ଲେଖ।

ସୂଚନା: ପ୍ଲାଷ୍ଟିକର ବ୍ୟବହାର, ଏହାର କୁପ୍ରଭାବ (ମାଟି, ଜଳ, ପ୍ରାଣୀ), ସମାଧାନ (ବିକଳ୍ପ, ପୁନର୍ବ୍ୟବହାର) ଆଦି ୧୦୦-୧୫୦ ଶବ୍ଦରେ ଲେଖ।

ସୂଚନା: ଚିଲିକା ଏସିଆର ବୃହତ୍ତମ ଲୁଣା ଜଳ ହ୍ରଦ; ଅତିଥି ପକ୍ଷୀ, ଇରାୱାଡ଼ି ଡଲଫିନ୍, ମତ୍ସ୍ୟ ସମ୍ପଦ, ପର୍ଯ୍ୟଟନ — ଏ ସବୁ ବିଷୟ ଲେଖ।